Mujhe Azmane Wale Mujhe Azman ke Roye
Meri Dastane Hasrat Suna Suna ke Roye

Teri Bewafaiyon Par, Teri Kaj Adaiyon Par
Kabhi Sar chupa Ke Roye, Kabu Munh Chupa Ke Roye

Jo Sunai Anjuman Men Shab-e0 Gham Ki Aab-biti
Kabhi Ro ke Muskaraye, Kabhi Muskara Ke Roye

Main Hun Be-Watan Musafir, Mera Naam Bekasi Hai
Mera Koi Bhi Nahin Hai Jo Gale Laga Ke Roye

Mere Paas Se Guzar Kar Mera Haal Tak Na Poocha
Main Yeh Kaise Maan Jaun Ke Woh Dur Ja KE Roye

Na jane kiyon tumhare naam se itni muhabbat hai
Kisi ka naam leti hoon to tumhara naam aata hai

Jab khayalon me nideyen palak hoti hai
Dil me paida teri yaadon ki mahak hoti hai

Tu shabo roz ka hasil hai mera saath na chod
Tu hi ham raaz ke qabil hai mera sath na chod

Share with us more Urdu sher in comments section below

Khull Jaata Hai Uss Ki Yaadon Kaa Baazar subha subha,
Bus Mera din issi Ronaq Mein Guzar Jaata Hai..!

Hum Tujhe Sheher Mein Yun Dhoondtay Hain
Jis Tarah Loog Sakoon Dhoondtay Hain

Hum Tujhe Sheher Mein Yun Dhoondtay Hain,
Jis Tarah Loog Sakoon Dhoondtay Hain..

tund mein aur aise kamsin ke liye
saqiya halki si la in ke liye
mujh se rukhsat ho mera ahad-e-shabab
ya khuda rakhna na us din ke liye
hai javani khud javani ka singar
sadagi gahana hai is sin ke liye
sab hasin hain zahidon ko napasand
ab koi hur aayegi in ke liye
vasl ka din aur itna mukhtasar
din gine jate the is din ke liye
sari duniya ke hain wo mere siva
main ne duniya chod di jin ke liye
lash par ibarat ye kahati hai ‘ameer’
aaye the duniya mein is din ke liye

Poet of the Poem/Ghazal or Nazam: Ameer Minai

tune ye phul jo zulfon mein laga rakha hai
ik diya hai jo andheron mein jala rakha hai
jit le jaye koi mujhko nasibon vala
zindagi ne mujhe da o pe laga rakha hai
jane kab aaye koi dil mein jhankane vala
is liye main ne gireban ko khula rakha hai
imtehan aur meri zabt ka tum kya loge
main ne dhadakan ko bhi sine mein chupa rakha hai

Poet of the Poem/Ghazal or Nazam: Qateel Shifai

yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd’a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

Poet of the Poem/Ghazal or Nazam: Makhdoom Mohiuddin

tute huye dilon ke dua mere sath hai
duniya teri taraf hai khuda mere sath hai
aavaz ghungharuon ke nahi hai to kya hua
sagar ke tutane ke sada mere sath hai
tanhai kis ko kahate hain mujhko pata nahi
kya jane kis hasin ke dua mere sath hai
paimana samane hai to kuch gham nahi “nizam”
ab dard-e-dil ke koi dawa mere sath hai

Poet of the Poem/Ghazal or Nazam: Nizam Rampuri

ret se but na bana ae mere ache fankar
ek lamhe ko thahar main tujhe pathar la dun
main tere samane ambar laga dun lekin
kon se rang ka pathar tere kam aayega
surkh pathar jise dil kahati hai bedil duniya
ya wo pattharai hui aankh ka nila pathar
jis mein sadiyon ke tahayyur ke pade hon dore
kya tujhe ruh ke pathar ke zarurat hogi
jis pe haq baat bhi pathar ke tarah girti hai
ik wo pathar hai jise kahate hain tahazib-e-safed
us ke marmar mein siyah khoon jhalak jata hai
ik insaf ka pathar bhi to hota hai magar
hath mein tesha-e-zar ho to wo hath aata hai
jitne mayar hain is daur ke sab pathar hain
sher bhi raqs bhi tasvir-o-gina bhi pathar
mere ilham tera zahan-e-rasa bhi pathar
is zamane mein har fan ka nishan pathar hai
hath pathar hain tere meri zuban pathar hai
ret se but na bana ae mere ache fankar

Poet of The Poem / Ghazal or Nazam :Ahmed Nadeem Qasmi
ek lamhe ko thahar main tujhe pathar la dun
main tere samane ambar laga dun lekin
kon se rang ka pathar tere kam aayega
surkh pathar jise dil kahati hai bedil duniya
ya wo pattharai hui aankh ka nila pathar
jis mein sadiyon ke tahayyur ke pade hon dore
kya tujhe ruh ke pathar ke zarurat hogi
jis pe haq baat bhi pathar ke tarah girti hai
ik wo pathar hai jise kahate hain tahazib-e-safed
us ke marmar mein siyah khoon jhalak jata hai
ik insaf ka pathar bhi to hota hai magar
hath mein tesha-e-zar ho to wo hath aata hai
jitne mayar hain is daur ke sab pathar hain
sher bhi raqs bhi tasvir-o-gina bhi pathar
mere ilham tera zahan-e-rasa bhi pathar
is zamane mein har fan ka nishan pathar hai
hath pathar hain tere meri zuban pathar hai
ret se but na bana ae mere ache fankar

 Poet of The Poem / Ghazal or Nazam :Ahmed Nadeem Qasmi

ret par likh ke mera naam mitaya na karo
aankhen sach bolati hain pyar chupaya na karo
log har baat ka afsana bana lete hain
sab ko halat ke rudad sunaya na karo

ye zaruri nahi har shakhs masiha hi ho
pyar ke zakhm amanat hain dikhaya na karo
shahar-e-ehasas mein pattharav bahut hain ‘mohsin’
dil ko shishe ke jharonkhon mein sajaya na karo

ret par likh ke mera naam mitaya na karo
aankhen sach bolati hain pyar chupaya na karo
log har baat ka afsana bana lete hain
sab ko halat ke rudad sunaya na karo

ye zaruri nahi har shakhs masiha hi ho
pyar ke zakhm amanat hain dikhaya na karo
shahar-e-ehasas mein pattharav bahut hain ‘mohsin’
dil ko shishe ke jharonkhon mein sajaya na karo

Poet of The Poem / Ghazal or Nazam :Mohsin Naqvi