Dasht-e-Wafa Men Pyaas Ka Aalam Ajeeb Tha,

Dekha To Aik Dard Ka Darya qareeb Tha.

Guzray Jidhar Jidhar Se Tamanna Ke Qaafilay,

Har Har Qadam Pe Aik Nishaan-e-Saleeb Tha.

Kuch Aisi Meharban To Na Thi Hum Pe Zindagi,

Kyun Har Koi Jahan Mein Hamara Raqeeb Tha?

Kya Kya Lahu Se Apne Kiya Hum Ne SurKharoo,

Us Door K Nagar Ko Jo Dil K Kareeb Tha.

Apna Pata Tou usne Diya Tha Mujhay “QATEEL”

Me Khud Hi Kho Gaya To Ye Mera Naseeb Tha.

Tu mujhe itne pyaar se mat dekh

teri palako’n ke narm saaye mein

dhoop bhi chaandni si lagti hai

aur mujhe kitni door jaana hai

ret hai garm, paanv ke chhaale

yoon damakte hain jaise angaare

pyaar ki ye nazar rahe, na rahe

kaun dasht-e-wafa mein jaata hai

tere dil ko khabar rahe na rahe

tu mujhe itne pyaar se mat dekh

Share with us more ….Wafa sms …in comments section below

Hum ko loota hai usi shehar ne Ae Jaan-e-wafa
Jis ki galion mein Mohabbat ka kuch hisab na tha

Woh jo rehte the mere sath hamesha din bhar
Un ke mazhab mein wafaon ka koi baab na tha

Woh jo aankon mein Mohabbat ko liye phirte the
Un ke dil mein thi woh Nafrat ke kuch hisaab na tha

Mein ne jis ko bhi musibat mein maseeha jana
Jo diya us ne bara us say kuch azaab na tha

Mujhe khayal tha ye log mere apne hain
Magr wahan pe to aisa koi riwaj na tha !!

Hum ko loota hai usi shehar ne Ae Jaan-e-wafa
Jis ki galion mein Mohabbat ka kuch hisab na tha

Woh jo rehte the mere sath hamesha din bhar
Un ke mazhab mein wafaon ka koi baab na tha

Woh jo aankon mein Mohabbat ko liye phirte the
Un ke dil mein thi woh Nafrat ke kuch hisaab na tha

Mein ne jis ko bhi musibat mein maseeha jana
Jo diya us ne bara us say kuch azaab na tha

Mujhe khayal tha ye log mere apne hain
Magr wahan pe to aisa koi riwaj na tha !!

Share with us more Wafa shayari .in comments section below

wafa ke shish mahal mein saja liya main ne
wo ek dil jise pathar bana liya main ne
ye soch kar ki na ho tak mein khushi koi
gamon ki ot mein khud ko chupa liya main ne
kabhi na khatm kiya main ne roshani ka muhaz
agar chirag bujha, dil jala liya main ne
kamal ye hai ki jo dushman pe chalana tha
wo tir apne kaleje pe kha liya main ne
‘qateel’ jisaki adavat mein ek pyar bhi tha
us aadmi ko gale se laga liya main ne

Poet of the Poem/Ghazal or Nazam: Qateel Shifai

wafa ke khwab muhabbat ka aasara le ja
agar chala hai to jo kuch mujhe diya le ja
maqam-e-sud-o-ziyan aa gaya hai phir janan
ye zakhm mere sahi tir to utha le ja
yahi hai qismat-e-sahara yahi karam tera
ki bund bund ata kar ghata ghata le ja
gurur-e-dost se itna bhi dilshikasta na ho
phir uth ke samane daman-e-iltaja le ja
nadamaten hon to sar bar-e-dosh hota hai
‘faraz’ jan ke evaz aabaru bacha le ja

Poet of the Poem/Ghazal or Nazam: Ahmed Faraz

wafa ke bhes mein koi raqib-e-shahar bhi hai
hazar! ke shahar ke qatil tabib-e-shahar bhi hai
wohi sipah-e-sitam khemazan hai charon taraf
jo mere bakht mein tha ab nasib-e-shahar bhi hai
udhar ke aag idhar bhi pahunch na jaye kaheen
hawa bhi tez hai jangal qarib-e-shahar bhi hai
ab us ke hijr mein rote hain us ke ghayal bhi
khabar na thi ke wo zalim habib-e-shahar bhi hai
ye raz nara-e-mansur hi se hum pe khula
ke chub-e-mimbar-e-masjid salib-e-shahar bhi hai
kadi hai jang ke ab ke muqabile pe ‘faraz’
amir-e-shahar bhi hai aur khatib-e-shahar bhi hai

Poet of the Poem/Ghazal or Nazam: Ahmed Faraz

Is ada se wo wafa karte hain
koi jane ke wafa karte hain
hamako chodoge to pachataoge
hansanae valon se hansa karte hain
ye batata nahi koi mujhko
dil jo aa jaye to kya karte hain
husn ka haq nahi rehta baqi
har ada mein wo ada karte hain
kis qadar hain teri aankhen bebak
in se fitne bhi haya karte hain
is liye dil ko laga rakkha hai
is mein dil ko laga rakkha hai
“dag” tu dekh to kya hota hai
jabr par jabr kiya karte hain

Poet of the Poem / Ghazal or Nazam : DaaG Dehlvi

Aye Dost Humko Saath Itna Do Ke Had Na Rahe,
Magar Aitbaar Bhi Itna Karna Ke Shaq Na Rahe,
Hamse Wafa Itni Karna Ke Kabhi Bewafai Na Ho,
Aur Dua Bus Itni Karna Ke Kabhi Judai Na Ho.

Share By : Bindu Mahajan

Wafa Shayari Sms in Hindi

Hum Apni Wafa Ka Yakin Tumko Dila Na Sake
Tumse Gaye Door Kya, Fir Paas Aa Na Sake
Iss Kadar Toot Kar Chaha Tujhe
Key Tere Baad Hum Kisi Aur Ko Chah Na Sake