Posts tagged: Wasim Barelvi Shayari

Zara sa qatara kaheen aj agar ubharata hai – Wasim Barelvi

Zara sa qatara kaheen aj agar ubharata hai
samandaron hi ke lahaje mein baat karta hai
khuli chaton ke diye kab ke bujh gaye hote
koi to hai jo hawaon ke par katarata hai
sharafaton ke yahan koi ahamiyat hi nahi
kisi ka kuch na bigado to kon darta hai
zamin ke kaisi viqalat ho phir nahi chalati
jab aasman se koi faisala utarata hai
tum aa gaye ho to phir kuch chandani si baten hon
zamin pe chand kahan roz roz utarata hai

Poet of the Poem / Ghazal or Nazam : Wasim Barelvi

Usulon pe jahan aanch aaye thakarana zaruri hai-Wasim Barelvi

usulon pe jahan aanch aaye thakarana zaruri hai
jo zinda hon to phir zinda nazar aana zaruri hai
nai umron ke khudmukhtariyon ko kon samajhaye
kahan se bach ke chalana hai kahan jana zaruri hai
thake hare parinde jab basere ke liye laute
saliqamand shakhon ka lachak jana zaruri hai
bahut bebak aankhon mein ta’alluq tik nahi pata
muhabbat mein kashish rakhane ko sharmana zaruri hai
saliqa hi nahi shayad use mahasus karne ka
jo kehta hai khuda hai to nazar aana zaruri hai
mere honton pe apni pyas rakh do aur phir socho
ki is ke bad bhi duniya mein kuch pana zaruri hai

Poet of  the Poems / Ghazal or Nazam :Wasim Barelvi

Main apne khwab se bichada nazar nahi aata – Wasim Barelvi

main apne khwab se bichada nazar nahi aata
tu is sadi mein akela nazar nahi aata
ajab dabav hai in bahri hawaon ka
gharon ka bojh bhi uthta nazar nahi aata
main ek sada pe hamesha ko ghar chod aaya tha
magar pukarane vala nazar nahi aata
main teri reh se hatane ko hat gaya lekin
mujh to koi bhi rasta nazar nahi aata
dhuan bhara hai yahan sabhi ke aankhon mein
kisi ko ghar mera jalta nazar nahi aata

 

 

Poet of the Poem / Ghazal or Nazam :Wasim Barelvi

Lahu na ho to kalam tarajuman nahi hota – Wasim Barelvi

Lahu na ho to kalam tarajuman nahi hota
hamare daur mein aansu zuban nahi hota
jahan rahega waheen roshni lutayega
kisi charag ka apna makan nahi hota
ye kis maqam pe lai hai meri tanahai
ke mujh se aj koi badguman nahi hota
main us ko bhool gaya hun ye kon manega
kisi charag ke bas mein dhuan nahi hota
‘wasim’ sadiyon ke aankhon se dekhiye mujh ko
wo lafz hun jo kabhi dastan nahi hota

Poet of the Poem / Ghazal or Nazam : Wasim Barelvi

Apne har har lafz ka khud aaina ho jaunga – Wasim Barelvi

apne har har lafz ka khud aaina ho jaunga
us ko chota kah ki main kaise bada ho jaunga
tum girane mein lage the tum ne socha hi nahi
main gira to masala ban kar khada ho jaunga
mujh ko chalne do akela hai abhi mera safar
rasta roka gaya to qafila ho jaunga
sari duniya ki nazar mein hai mera ahad-e-vafa
ek tere kahane se kya main bevafa ho jaunga

 
Poet of the Poem / Ghazal or Nazam : Wasim Barelvi








Wasim Barelvi Shayari, poems and Ghazals


Wasim Barelvi Shayari shayari sms in Urdu for your friends. Wasim Barelvi Shayari poetry , ghazal , poem and sher o shayari in Hindi. Best 1 line , 2 line and 4 line Wasim Barelvi Shayari shayari Collection Online.