Posts tagged: yad

Teri bazm-e-tarab mein soz-e-pinhan leke aaya hun – Jagannath Azad

Teri bazm-e-tarab mein soz-e-pinhan leke aaya hun
chaman mein yad-e-ayyam-e-baharan leke aaya hun
teri mahafil se jo araman-o-hasarat leke nikala tha
wo hasrat leke aaya hun wo araman leke aaya hun
tumhare vaste ae dosto main aur kya lata
vatan ke subah aur sham-e-gariban leke aaya hun
main apne ghar mein aaya hun magar andaz to dekho
ke apne aap ko manind-e-mahaman leke aaya hun

Poet of the Poem / Ghazal or Nazam : Jagannath Azad

aafat ke shokhiyan hain tumhari nigah mein – DaaG Dehlvi

aafat ke shokhiyan hain tumhari nigah mein
mehashar ke fitane khelate hain jalwa-gah mein

wo dushmani se dekhate hain dekhate to hain
main shad hun ke hun to kisi ke nigah mein

aati bat bat mujhe yad bar bar
kahata hun daud daud ke qasid se rah mein

is taubah par hai naz mujhe zahid is qadar
jo tut kar sharik hun hal-e-tabah mein

mushtaq is ada ke bahot dard-mand the
ae dag tum to baith gaye ek aah mein

Poet of the Poem / Ghazal or Nazam :DaaG Dehlvi








yad, poems and Ghazals


yad shayari sms in Urdu for your friends. yad poetry , ghazal , poem and sher o shayari in Hindi. Best 1 line , 2 line and 4 line yad shayari Collection Online.