Kab talak pyas ke sahara mein jhulasate jayen
ab ye badal jo uthe hain to barasate jayen
kon batalaye tumhen kaise wo mausam hain ki jo
mujh se hi dur rahen mujh mein hi basate jayen
haye kya log ye aabad huye hain mujh mein
pyar ke lafz likhen lahaje se dasate jayen
aaina dekhun to ik chehare ke be-rang nuqush
ek nadidda-si zanjir mein kasate jayen
juz muhabbat kise aaya hai mayassar umeed
aisa lamha ki jidhar sadiyon ke raste jayen
Poet of the Poem / Ghazal or Nazam : Umeed Fazli
Ishq ke mar badi dardili ishq mein jee na phansana jee
sab kuch karana ishq na karana ishq se jan bachana jee
waqt na dekhe umar na dekhe jab chahe majabur kare
maut aur ishq ke aage to koi chale na bahana jee
ishq ke thokar maut ke hichaki donon ka hai ek asar
ek kare ghar ghar ruswai ek kare afsana jee
ishq ke nemat phir bhi yaro har nemat par bhari hai
ishq ke tisen den khuda ke ishq se kya ghabarana jee
ishq ke nazron mein yaksan kaba kya butkhana kya
ishq mein duniya uqba kya hai kya apana begana jee
rah kathin hai pi ke nagar ke aag pe chal ke jana hai
ishq hai sidhi pi ke milan ke jo chaho to nibhana jee
‘tarz’ bahut din jhel chuke tum duniya ke zanjiron ko
tod ke pinjara ab to tumhen hai des piya ke jana jee
Poet of the Poem / Ghazal or Nazam : Ganesh Bihari Tarz
Is naz is andaz se tum haye chalo ho
roz ek gazal hum se kahalavaye chalo ho
rakhna hai kaheen panv to rakho ho kaheen panv
chalana zara aaya hai to itaraye chalo ho
divan-e-gul qaidi-e-zanjir hai aur tum
kya thath se gulashan ke hawa khaye chalo ho
mein mein koi khami hai na sagar mein koi khot
pina nahi aaye hai to chalkaye chalo ho
hum kuch nahi kahate hain koi kuch nahi kehta
tum kya ho tumhin sab se kahalavaye chalo ho
zulfon ke to fitrat hai lekin mere pyare
zulfon se bhi zyada balkhaye chalo ho
wo shokh sitamgar to sitam dhaye chale hai
tum ho ke “kaleem” apni gazal gaye chalo ho
Poet of the Poem / Ghazal or Nazam : Kaleem Ajiz
Ik muamma hai samajhane ka na samajhane ka
zindagi kahe ko hai khwab hai divane ka
zindagi bhi to pasheman hai yahan lake mujhe
dhundhati hai koi hila mere mar jane ka
haddiyan hain kai lipati hui zanjiron mein
liye jate hain janaza tere divane ka
tum ne dekha hai kabhi ghar ko badalate hue rang
aao dekho na tamasha mere gumkhane ka
ab ise dar pe leja ke sula de saqi
yun behakana nahi acha tere divane ka
hum ne chani hain bahot dair-o-haram ke galiyan
kaheen paya na thikana tere divane ka
har nafas umr-e-guzashta ke hai mayyat “fani”
zindagi naam hai mud mud ke jiye jane ka
Poet of the Poem / Ghazal or Nazam : Fani Badayuni
