Posts tagged: Zia Jalandhari Poetry

Soz-e-dil bhi nahi sukun bhi nahi – Zia Jalandhari

Soz-e-dil bhi nahi sukun bhi nahi
zindagani vabal yun bhi hai
teri khvahish aur is qadar khvahish
vajah-e-hasil sahi junun bhi hai
khush bhi hai iltafat-e-dost se dil
gairat-e-ishq sar nigun bhi hai
jal ke bujh bhi gai ‘zia’ aksar
aag sine mein jyon ke tyon bhi hai

Poet of the Poem / Ghazal or Nazam : Zia Jalandhari

Kya sarokar ab kisi se mujhe

kya sarokar ab kisi se mujhe
vasta tha to tha tujhi se mujhe
behisi ka bhi ab nahi ehasas
kya hua teri berukhi se mujhe
maut ke aarzoo bhi kar dekhun
kya ummiden thi zindagi se mujhe
phir kisi par na aitabar aaye
yun utaro na apne jee se mujhe
tera gham bhi na ho to kya jina
kuch tasalli hai dard hi se mujhe
kar gaye kis qadar tabah ‘zia’
dushman, andaz-e-dosti se mujhe

Poet of the poem/ghazal or Nazam: Zia Jalandhari

Har tarannum mein mili hai teri aavaz mujhe – Zia Jalandhari

har tarannum mein mili hai teri aavaz mujhe
ek hi nagma sunata hai har ek saz mujhe
ishq ka bhi koi anjam hua karta hai
ishq mein yaad hai aagaz hi aagaz mujhe
jaise virane se takra ke palatati hai sada
dil ke har goshe se aayi teri aavaz mujhe
jo kisi ko bhi na chahe use chahana
umr bhar apni muhabbat par raha naz mujhe

Poet of the Poem / Ghazal or Nazam :Zia Jalandhari

Dil mein jo kuch hai abhi us ke pazirai nahi – Zia Jalandhari

Dil mein jo kuch hai abhi us ke pazirai nahi
hama khushbu hun par khilane ke ghadi aayi nahi
ankahi baat ke sau rup kahi baat ka ek
kabhi sun wo bhi jo minnat-e-kash-e-goyai nahi
meri nazron mein hai khilate hue phoolon ke tarah
wo nami jo abhi shakhon mein bhi laharai nahi
kya manazir the ki jo dekhati aankhon ko dekhe
khwab bunata hun ki aasuda-e-binai nahi
sabhi dana sabhi sar dal ke chup baithe rahe
ki yahan koi bhi shaista-e-rusvai nahi
dil bujha ho to gul-e-nagma bhi nashtar hai ‘zia’
shiddat-e-gam ka ilaj anjuman-e-arai nahi

 

Poet of the Poem / Ghazal or Nazam : Zia Jalandhari








Zia Jalandhari Poetry, poems and Ghazals


Zia Jalandhari Poetry shayari sms in Urdu for your friends. Zia Jalandhari Poetry poetry , ghazal , poem and sher o shayr in Hindi. Best 1 line , 2 line and 4 line Zia Jalandhari Poetry shayari Collection Online.