Zehanon mein khayal jal rahe hain
sochon ke alav-se lage hain
duniya ke girift mein hain saye
hum apna vujud dhundhate hain
ab bhukh se koi kya marega
mandi mein zamir bik rahe hain
mazi mein to sirf dil dukhate the
is daur mein zehan bhi dukhe hain
sir katate the kabhi shahanshah
ab log zuban katate hain
hum kaise chudayen shab se daman
din nikala to saye chal pade hain
lashon ke hujum mein bhi hans den
ab aise bhi hausale kise han
Poet of the Poem / Ghazal or Nazam : Ahmed Nadeem Qasmi
Phire reh se wo yahan aate aate
ajal meri rahi tu kahan aate aate
mujhe yaad karne se ye mudda tha
nikal jaye dam hichakiyan aate aate
kaleja mere muh ko aayega ik din
yun hi lab pe aah-o-fugan aate aate
natija na nikala thake sab payami
vahan jate jate yahan aate aate
nahi khel ae “dag” yaron se kah do
ke aati hai urdu zuban aate aate
Poet of the Poem / Ghazal or Nazam : DaaG Dehlvi
Pukarati hai khamoshi meri fugan ke tarah
nigahen kahatai hain sab raz-e-dil zuban ke tarah
jala ke dag-e-muhabbat ne dil ko khak kiya
bahar aayi mere bag mein khizan ke tarah
talash-e-yar mein chodi na sar-zamin koi
hamare panv mein chakkar hain aasman ke tarah
ada-e-matlab-e-dil hum se sikh jaye koi
unhen suna hi diya hal dastan ke tarah
Poet of the Poem / Ghazal or Nazam : DaaG Dehlvi
Na socha na samajha na sikha na jana
mujhe aa gaya khudbakhud dil lagana
zara dekh kar apna jalwa dikhana
simat kar yahin aa na jaye zamana
zuban par lagi hain wafaon ki muharen
khamoshi meri kah rahi hai fasana
gulon tak lagayi to aasan hai lekin
hai dushwar kanton se daman bachana
karo lakh tum matam-e-naujavani
pa ‘mir’ ab nahi aayega woh zamana
Poet of the Poem / Ghazal or Nazam : Meer Taqi Meer
Na jee bhar ke dekha na kuch baat ke
badi aarzoo thi mulaqat ke
kai saal se kuch khabar hi nahi
kahan din guzra kahan raat ke
ujalon ke pariyan nahane lagin
nadi gunagunai khayalat ke
main chup tha to chalati hawa ruk gai
zuban sab samajhate hain jazbat ke
sitaron ko shayad kahbar hi nahi
musafir ne jane kahan raat ke
muqaddar mere chashm-e-pura’ab ka
barasati hui raat barsat ke
Poet of the Poem / Ghazal or Nazam : Bashir Badr
Na jane aj ye kis ka khayal aaya hai
khushi ka rang liye har malal aaya hai
wo ek shakhs ki hasil na tha jo khud ko bhi
mita kisi pe to kaisa bahal aaya hai
zuban pe harf-e-talab bhi nahi koi phir bhi
nigah-e-dost mein rang-e-jalal aaya hai
kiya na zikr bhi jis ka tamam umr kabhi
hamare kam bahut wo malal aaya hai
nahi hai tum se koi dosti bhi ab to magar
qadam qadam pe ye kaisa vabal aaya hai
Poet of the Poem / Ghazal or Nazam : Ahmad Hamdani
Khamoshi kah rahi hai kan mein kya
aa raha hai mere guman mein kya
ab mujhe koi tokata bhi nahi
yahi hota hai khanadan mein kya
bolate kyon nahi mere haq mein
aabale par gaye zuban mein kya
meri har baat be-asar hi rahi
nuqs hai kuch mere bayan mein kya
wo mile to ye puchana hai mujhe
abhi hun main teri aman mein kya
sham hi se dukan-e-did hai band
nahi nukasan tak dukan mein kya
yun jo takata hai aasaman ko tu
koi rehta hai aasaman mein kya
ye mujhe chain q nahi padta
ik hi shakhs tha jahan mein kya
Poet of the Poem / Ghazal or Nazam : Jaun Eliya
Kabhi kisi ko mukammal jahan nahi milta
kaheen zamin to kaheen aasman nahi milta
jise bhi dekhiye wo apne aap mein gum hai
zuban mili hai magar hamzuban nahi milta
bujha saka hai bhala kon waqt ke shole
ye aisi aag hai jis mein dhuan nahi milta
tere jahan mein aisa nahi ki pyar na ho
jahan umeed ho is ke vahan nahi milta
Poet of the Poem / Ghazal or Nazam : Shahryar
