Ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
is raat ke nikhari rangat ko
kuch aur nikhar jane de zara
nazron ko bahak jane de zara
zulfon ko bikhar jane de zara
kuch der ke hi taskin sahi
kuch der ka hi aaram sahi
jazbat ke kaliyan chunana hai
aur pyar ka tohfa dena hai
logon ke nigahen kuch bhi kahen
logon se hamen kya lena hai
ye khas ta’alluq aapas ka
duniya ke nazar mein aam sahi
rusavai ke dar se ghabara kar
hum tark-e-vafa kab karte hain
jis dil ko basa lain pehlu mein
us dil ko juda kab karte hain
jo hashr hua hai lakhon ka
apna bhi wohi anjam sahi
ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi

Poet of the Poem / Ghazal or Nazam :Sahir Ludhianvi

Sabz maddham roshani mein surkh aanchal ke dhanak
sard kamare mein machalati garm sanson ke mahak
bazuon ke sakht halqe mein koi nazuk badan
silvaten malabus par aanchal bhi kuch dhalaka hua
garmi-e-rukhsar se dahaki hui thandi hawa
narm zulfon se mulayam ungaliyon ke ched chad
surkh honton par shararat ke kisi lamhen ka aks
reshami bahon mein chudi ke kabhi maddham dhanak
sharmagin lahajon mein dhire se kabhi chahat ke baat
do dilon ke dhadakanon mein gunjati thi ek sada
kanpate honton pe thi ALLAH se sirf ek dua
kash ye lamhe thahar jayen thahar jayen zara

Poet of the Poem / Ghazal or Nazam arveen Shakir

Pathar ke jigar valon gham mein wo ravani hai
khud reh bana lega bahata hua pani hai
phoolon mein gazal rakhna ye raat ke rani hai
is mein teri zulfon ke be-rabt kahani hai
ek zahan-e-parenshan mein wo phul sa chehara hai
pathar ke hifazat mein shishe ke javani hai
kyon chandani raton mein dariya pe nahate ho
soye hue pani mein kya aag lagani hai
is hausala-e-dil par hum ne bhi kafan pahana
hans kar koi puchega kya jan gavani hai
rone ka asar dil par reh reh ke badalata hai
aansu kabhi shisha hai aansu kabhi pani hai
ye shabnami lahaja hai aahista gazal padhana
titali ke kahani hai phoolon ke zabani hai

Poet of the Poem / Ghazal or Nazam : Bashir Badr

mashq-e-sitam faramate rahiye
yun hi mujhe tadapate rahiye
pyason ko tarasate rahiye
jam yun hi chalakate rahiye
qadmon mein aa jayega sahil
tufan se takarate rahiye
nazmen jahan ulajhe to ulajhe
zulfon ko sulajhate rahiye
fasl-e-baharan ruth na jaye
sahan-e-chaman mein aate rahiye

Poet of the Poem / Ghazal or Nazam :Saeed Shahidi

Kabhi kitabon mein phul rakhna
kabhi darakhton pe naam likhana
hamen bhi hai yaad aj tak wo
nazar se harf-e-salam likhana
wo chand chehare wo bahaki baten
sulagte din the mahakati raten
wo chote-chote se kagazon par
muhabbaton ke payam likhana
gulab cheharon se dil lagana
wo chupke chupke nazar milana
wo aarazuon ke khwab bunana
wo qissa-e-natamam likhana
mere nagar ke hasin fazao
kaheen jo un ke nishan pao
to puchana ye kahan base ho
kahan hain un ka qayam(?) likhana
gai ruton mein “hasan” hamara
bas ek hi to ye mashagala tha
kisi ke chehare ko subah kahana
kisi ke zulfon ko sham likhana
**mashagul rahana means to be deeply involved in/ to be preoccupied with**

Poet of the Poem / Ghazal or Nazam : Hasan Rizvi

Is shahar-e-kharabi mein gam-e-ishq ke mare
zinda hain yahi baat badi baat hai pyare
ye hansata hua chand ye purnur sitare
tabinda-o-painda hain zarron ke sahare
hasrat hai koi guncha hamen pyar se dekhe
araman hai koi phul hamen dil se pukare
har subah meri subah pe roti rahi shabanam
har raat meri raat pe hanste rahe tare
kuch aur bhi hain kam hamen ae gam-e-janan
kab tak koi ulajhi hui zulfon ko sanvare

Poet of the Poem / Ghazal or Nazam : Habib Jalib

huzur aap ka bhi ehataram karta chalun
idhar se guzra tha socha salam karta chalun
nigah-e-dil ke aakhiri yahi tamanna hai
tumhari zulfon ke saye mein sham karta chalun
unhen ye zid ki mujhe dekh kar kisi ko na dekh
mera ye shauq ki sab se salam karta chalun
ye mere khwabon ke duniya nahin, sahi lekin
ab aa gaya hun to do din kayam karta chalun
tumhare husn se jage tamam hangamen
main do hi lafzon mein qissa tamam karta chalun
mere kalam ke “shadab” sadagi achi
avam sun ke maze lain main naam karta chalun

Poet of the Poem / Ghazal or Nazam : Shadab Lahori