Teri baten hi sunane aaye – Ahmed Faraz

Teri baten hi sunane aaye
dost bhi dil hi dukhane aaye
phul khilate hain to hum sochate hain
tere aane ke zamane aaye
aisi kuch chup si lagi hai jaise
hum tujhe hal sunane aaye
ishq tanha hai sar-e-manzil-e-gam
kon ye bojh uthane aaye
ajanabi dost hamen dekh ke hum
kuch tujhe yaad dilane aaye
dil dhadakata hai safar ke hangam
kash phir koi bulane aaye
ab to rone se bhi dil dukhata hai
shayad ab hosh thikane aaye
kya kaheen phir koi basti ujadi
log q jashn manane aaye
so raho maut ke pehlu mein ‘faraz’
neend kis waqt na jane aaye

Poet of the Poem / Ghazal or Nazam : Ahmed Faraz

Here is Some Related Poetry or shayari
  • Aao ki jashn-e-marg-e-muhabbat manayen hum – Akhtar ul Iman
    aao ki jashn-e-marg-e-muhabbat manayen hum aati nahi kaheen se dil-e-zinda ke sada sune pade hain kucha-o-bazar ishq ke hai shama-e-anjuman ka naya husn-e-jan gudaz shayad nahi rahe wo patangon ke valvale taza na rakh sakegi rivayat-e-dasht-o-dar wo fitnasar gaye jinhen kanten aziz the ab kuch nahi to nind se aankhen jalayen hum aao ki jashn-e-marg-e-muhabbat manayen hum socha na tha ki aayega ye din
  • Kha kar zakhm dua di hum ne – Farhat Shahzad
    Kha kar zakhm dua di hum ne bas yun umr bita di hum ne raat kuch aise dil dukhata tha jaise aas bujha di hum ne sannate ke shahar mein tujh ko be-avaz sada di hum ne dekh ke jis ko dil dukhata tha wo tasvir jala di hum ne aa “shehzad” tujhe samajhayen kyunkar umr ganva di hum ne Poet of the Poem /
  • Sab log liye sang-e-malamat nikal aaye – Ahmed Faraz
    Sab log liye sang-e-malamat nikal aaye kis shahar mein hum ahal-e-muhabbat nikal aaye ab dil ke tamanna hai to ae kash yahi ho aansu ke jagah aankh se hasrat nikal aaye har ghar ka diya gul na karo tum ke na jane kis bam se khurashid-e-qayamat nikal aaye jo darpa-e-pindar hain un qatlgahon se jan deke bhi samajho ke salamat nikal aaye ae
  • Zindagi tujh ko manane nikle – Ameer Kazalbash
    Zindagi tujh ko manane nikle hum bhi kis darja divane nikle kuch to dushman the mukhalif-saf mein kuch mere dost purane nikle nazarandaz kiya hai us ne khud se milane ke bahane nikle be-basarat hai ye basti yaro aaina kis ko dikhane nikle in andheron mein jiyoge kab tak koi to shama jalne nikle Poet  of  the Poem / Ghazal or Nazam :Ameer Kazalbash
  • Qisse teri nazar ne sunaye na phir kabhi – Nasir Kazmi
    qisse teri nazar ne sunaye na phir kabhi hum ne bhi dil ke daag dikhaye na phir kabhi ae yad-e-dost aj tu jee bhar ke dil dukha shayad ye raat hijr ke aaye na phir kabhi Poet of the Poem / Ghazal or Nazam :Nasir Kazmi




One Response to “Teri baten hi sunane aaye – Ahmed Faraz”

  1. Dil-dil sai juda nahe hota,, Wo kisi aur pur fida nahe hota,,, Pyar sai acha toh dost hai,kyunki dost kabi BEWAFA nahe hota,,,,,,,, says:

    AADIL MIR’S

Share Your Poetry / Shayari