Wo jo hum mein tum mein qarar tha tumhen yaad ho ke na yaad ho -Momin Khan Momin

Wo jo hum mein tum mein qarar tha tumhen yaad ho ke na yaad ho
wohi yani wada nibah ka tumhen yaad ho ke na yaad ho
wo naye gile wo shikayaten wo maze maze ke hikayaten
wo har ek baat pe ruthana tumhen yaad ho ke na yaad ho
koi baat aisi agar hui jo tumhare jee ko buri lagi
to bayan se pahale hi bhulana tumhen yaad ho ke na yaad ho
suno zikr hai kai saal ka, koi wada mujh se tha aap ka
wo nibahane ka to zikr kya, tumhen yaad ho ke na yaad ho
kabhi hum mein tum mein bhi chah thi, kabhi hum se tum se bhi reh thi
kabhi hum bhi tum bhi the aashna, tumhen yaad ho ke na yaad ho
hue ittefaq se gar baham, wo wafa jatane ko dam-ba-dam
gila-e-malamat-e-arqaba, tumhen yaad ho ke na yaad ho
wo jo lutf mujh pe the beshtar, wo karam ke hath mere hath par
mujhe sab hain yaad zara zara, tumhen yaad no ki na yaad ho
kabhi baithe sab hain jo ru-ba-ru to isharaton hi se guftagu
wo bayan shauq ka baramala tumhen yaad ho ki na yaad ho
wo bigadana vasl ke raat ka, wo na manana kisi baat ka
wo nahiin nahi ke har aan ada, tumhen yaad ho ki na yaad ho
jise aap ginte the aashna jise aap kahate the bavafa
main wohi hun “momin”-e-mubtala tumhen yaad ho ke na yaad ho

Poet of the Poem / Ghazal or Nazam : Momin Khan Momin

Here is Some Related Poetry or shayari
  • Tere pas aane ko jee chahata hai – Sikander Ali Wajd
    Tere pas aane ko jee chahata hai naye zakhm khane ko jee chahata hai idhar aaye shayad wo mauj-e-tarannum gazal gungunane ko jee chahata hai zamana mera aazamaya hua hai tujhe aazamane ko jee chahata hai wohi baat reh reh ke yaad aa rahi hai jise bhool jane ko jee chahata hai labon par mere khelata hai tabassum jab aansu bahane ko jee chahata
  • Ahmed Nadeem Qasmi – Ahmed Nadeem Qasmi
    Wo koi aur na tha chand khushk patte the shajar se toot ke jo fasl-e-gul pe roye the abhi abhi tumhen socha to kuch na yaad aaya abhi abhi to hum ek-dusare se bichde the tumhare bad chaman par jab ik nazar dali kali kali mein khizan ke chirag jalate the tamam umr wafa ke gunahgar rahe ye aur baat ki hum
  • yahi tohafa hai yahi nazarana – Kaifi Azmi
    yahi tohafa hai yahi nazarana main jo aawara nazar laya hun rang mein tere milane ke liye qatara-e-khun-e-jigar laya hun ae gulabon ke vatan pahale kab aaya hun kuch yaad nahi lekin aaya tha qasam khata hun phul to phul hain kanton pe tere apne honton ke nishan pata hun mere khwabon ke vatan choom lene de mujhe hath apne jin se todi hain kai zanjiren tune
  • saman-e-tijarat mera iman nahi hai – Majid Deobandi
    saman-e-tijarat mera iman nahi hai har dar pe jhuke sar ye meri shan nahi hai har lafz ko sine mein basa lo to bane baat takon mein sajane ko ye quran nahi hai ALLAH meri rizq ke barakat na chali jaye do roz se ghar mein koi mahaman nahi hai hum ne to banaye hain samandar mein bhi raste yun hum ko
  • Wo rulakar hans na paya der tak – Nawaz Deobandi
    Wo rulakar hans na paya der tak jab main rokar muskuraya der tak bhulana chaha agar us ko kabhi aur bhi wo yaad aaya der tak bhukhe bachon ke tasalli ke liye man ne phir pani pakaya der tak gungunata ja raha tha ik faqir dhup rahati hai na saya der tak Poet of the Poem / Ghazal or Nazam : Nawaz Deobandi




8 Responses to “Wo jo hum mein tum mein qarar tha tumhen yaad ho ke na yaad ho -Momin Khan Momin”

  1. maryum says:

    nya chand daikh kr mai dua mangu….
    aur apny RAB se sada teri khushi ki dua mangu…..

  2. maryum says:

    i love you ..
    muqadam ali

  3. Anonymous says:

    Very good poetry

  4. mahamqureshi says:

    kabhi hum me tm me qarar tha…

  5. Kbi hum mai tm mai karar tha, tmhein yad ho ki na yad ho..nice1 says:

    Darshowkat5@live.co.uk

  6. tehsin says:

    03328701048 ye mera no hay or mail id b dia hay so call me me job krna chahta hu

  7. Yasir Fida says:

    Subhaan Allah very Awesome

Share Your Poetry / Shayari